1. Catalonha declare era sua fèrma volontat de hèr part dera Organizacion de Nacions Unides coma membre de plen dreit.
2. Catalonha vò contunhar de hèr part dera Union Europèa, e passar a èster çò de mès lèu possible eth sòn Estat numèro 29.
3. En conseqüéncia, eth Parlament e eth Govèrn amiaràn a tèrme toti es passi avienti entà arténher era nòsta mantenença laguens d’aguesti organismes, o se conven, era nòsta adesion en eth termini mès cuert qu’era legislacion internacionau permete.

1. Er ensenhament primari ei gratuït, e serà obligatòri entàs menors de 16 ans.
2. Era escòla publica gaudirà des recorsi umans, materiaus e financèrs de besonh entà per’mor de garantir eth maximal nivèu de qualitat
3. Era libertat de catedra demore garantida en toti es encastres, sense mès restriccion qu’er estricte respècte as drets umans.