1.Serà formada per cinc magistrats/ades damb competéncia exclusiva entà resòlver en darrèra instància es conflictes relatius a drets fonamentaus.
2.Era sua composicion se regularà per ua lei especifica d’acòrd damb es següents critèris: un serà elegit per sufragi universau; un peth conjunt dera carrèra judiciau e fiscau; un peth Parlament damb majoria de 3/5 parts des deputats; un peth Conselh d’Illustres Collegis d’Avocats e Procuradors de Catalonha; e eth darrèr pes Sindics/ques Locaus.

1. Eth Tribunau Suprèm a jurisdiccion en tot eth territòri de Catalonha, ei er organ jurisdiccionau superior en toti es encastres, e serà format per cinc Sales, damb competéncia exclusiva cadua: Dret penau; Dret Civiu; Dret Sociau; Dret contenciós-administratiu; e Dret Constitucionau.
2. Cada Sala deth Tribunau Suprèm compde damb cinc membres, escuelhudi peth Conselh Generau deth Poder Judiciau. Es candidats an d’ èster magistrats o juristes d’arreconeishut prestigi.
3. Era sua foncion consistirà en unificar doctrina e establir jurisprudéncia.

1. Eth Conselh Generau ei er organ de govèrn des jutges, magistrats e fiscaus; serà format per dètz membres e un President/a.
2. Eth sòn estatut organic e eth regim d’incompatibilitats des sòns membres, atau coma es sues foncions, serà fixat pera corresponenta lei.
3. Es nomentaments, inspeccions, promocion e regim disciplinari se regiràn per estrictes critèris de capacitat, merit e antiquitat.
4. Eth sòn pressupòst annau serà aprovat peth Parlament, e demorarà sometut a critèris de transparéncia e eficacitat.
5. Cada cinc ans se procedirà ath sòn renauiment intègre.

1. Er Estat arrespon des damatges e perjudicis ocasionadi damb motiu des errors judiciaus e/o deth foncionament anormau dera Administracion de justícia.
2. Annalament se dotarà ath Tribunau Suprèm dera Republica d’un hons pressupostari especific entà poder indemnizar as victimes de delictes violenti, cas qu’eth colpable age estat declarat insolvent, sens perjudici deth dret de repeticion se melhorèsse fortuna.

1. Es taxes judiciaus se fixaràn d’acòrd damb era capacitat economica deth litigant.
2. Er Estat velharà entà per’mor qu’es recorsi financèrs, umans e tecnologics de besonh entà qu’era justícia pogue amiar a tèrme es sues foncions, siguen garantidi d’acòrd damb eth principi de sufisença e optimizacion.

1. Es senténcies e demés resolucions fèrmes des jutges e tribunaus son de compliment imperatiu. En cas d’incompliment volontari per part dera persona fisica o juridica obligada, seràn executades per via d’obligacion forçada.
2.Era justí?cia és gratuïta entà totes aqueres persones fisiques que non gaudisquen de recorsi economics avienti, d’acòrd damb es paramètres que fixe era corresponenta lei especifica.

1. Es procediments judiciaus seràn publics, lheuat de supòsits excepcionaus, prèviaments previsti ena lei a fin e efècte de garantir era indemnitat des victimes.
2. Toti es ahèrs s’instruiran de manèra preferentaments orau, sens perjudici dera digitalizacion informatica des actes judiciaus.
3. Es senténcies e interlocutòries son publiques, an de gaudir dera motivacion avienta d’acòrd damb es canons constitucionaus, seràn redigides per escrit e notificades a totes es parts compareishudes en eth procès.

1. Es membres dera carrèra judiciau non pòden apartier a partits politics ne sindicats, lheuat des associacions professionaus corresponentes.
2. Era lei fixarà eth regim d’incompatibilitats taxades qu’afècten as membres dera judicatura pendent er exercici deth cargue. En cap cas, poderà demorar proïbit eth sòn dret ara libertat d’expression, opinion e creacion intellectuau.

1. Es jutges/esses accedissen ath cargue mejançant concors-oposicion publica, ena forma qu’era lei determine.
2. Non pòden èster suspenudi, transportadi ne escartadi der exercici dera
sua jurisdiccion se non ei per bèra ua des causes exprèssaments arrecuelhudes ena corresponenta lei organica.

1. Es ciutadans auràn eth déuer de participar ena Administracion de justícia a trauès dera institucion deth Jurat Popular. Era lei determinarà es ahèrs competéncia exclusiva d’aguesta institucion.