1. Eth Parlament pòt delegar en eth Govèrn era potestat de dictar nòrmes damb reng de decrèt lei quan concorreràn arrasons d’urgéncia.
2. Eth Parlament a de validar exprèssaments es decrèts lei en
un termini improrrogable de 60 dies dempús dera sua promulgason.

1. Era iniciatiua legislatiua correspon as deputats , ath Govèrn, e as ciutadans mejançant era iniciatiua legislatiua populara,.
2. Eth Parlament pòt delegar en es comissions legislatiues permanentes era
tramitacion e aprobacion de proposicions de lei, a excepcion de quan se tractarà de leis de reforma constitucionau.

1. Eth Reglament deth Parlament a de regular es nòrmes de procediment entara tramitacion des peticions individuaus e/o collectives.
2. Es iniciatiues legislatiues populares requeriràn entà èster admetudes a tramit er aval d’un minim de 50.000 signatures de persones damb dret a vòt.

1. Eth Parlament pòt crear comissions d’investigacion sus quinsevolhe ahèr que sigue d’importància publica, e en especiau, entà depurar possibles responsabilitats politiques en ahèrs de presomptiva corrupcion.
2. Es deputats demoren obligadi a hèr public eth sòn auviatge abans de préner possession deth sèti parlamentàri (escon). Dita relacion s’actualizarà en eth moment de finalizar era legislatura o cessar anticipadament en eth cargue.

1.Catalonha manten relacions d’amistat damb toti es Estats democratics e sociaus de Dret. Entà garantir-les, eth Parlament signarà es Convènis e Tractadi internacionaus e bilateraus de besonh.
2. Un còp ratificadi e publicadi ath Diari Oficiau der Estat, passen a hèr part der ordenament juridic intèrne.
4. Toti es Tractadi signadi per Estat espanhòu seguiràn en vigor lheuat de decision en contra d’ua majoria qualificada de 3/5 parts deth Parlament.
5. Catalonha assumís toti es drets e déuers derivadi des mencionadi Tractadi e Convènis.

1. Eth Parlament s’a de trobar amassat damb era assisténcia presenciau dera majoria absoluta des deputats entà poder adoptar acòrds.
2. Es acòrds requerissen eth vòt favorable dera majoria simpla des deputats presents entà per’mor d’èster aprovadi.
3. Se requerirà ua majoria qualificada, prèviaments establida ena lei, entà poder aprovar nòrmes qu’afècten a drets fonamentaus.

1.Eth Parlament s’amasse en sessions ordinàries damb ua periodicitat minima mensuau, as que son obligadi a assistir toti/es es deputats/ades, lheuat de causa de fòrça major.
2. Es sessions deth Plen son publiques, a excepcion des supòsits establidi pera lei.
3. Era Deputacion Permanenta velharà pera continuitat des poders deth Parlament en es periòdes entre sessions e quan a acabat eth mandat electorau, enquia era constitucion dera naua cambra.

1. Eth Parlament a un/a President/a e ua mesa elegida peth Plen.
2. Es sues foncions, eth procès d’eleccion, e eth foncionament des Comissions, seràn reguladi peth Reglament dera cambra
3. Eth Reglament regule tanben es drets e es déuers individuaus e collectius des deputats, es formes d’intervencion en er exercici des sues foncions, es atribucions des pòrtavotzes des partits, e es sancions disciplinàries en que poguen quèir.

1. Es membres deth Parlament son independenti e solament arresponen deuant es sòns electors dera sua circonscripcion.
2. Cada deputat gaudís de plea libertat ara ora d’eméter eth sòn vòt, e donques, non ei obligat a seguir cap disciplina de partit.
3. Entà er enjudiciament des deputats contra qui se tramite un procediment criminau, serà competent eth/era jutge/essa naturau predeterminat pera lei, prealabla autorizacion dera Sala Penau deth Tribunau Suprèm dera republica, unic organ damb competéncia entà lheuar era immunitat parlamentària en cas de delicte.

1. Era circonscripcion electorau ei era comarca.
2. Era Lei Electorau determine eth numèro de deputats, en tot atier critèris de proporcionalitat e representacion territoriau e poblacionau.
3. Cada comarca gaudirà de tanti collègis electoraus coma deputats li assigne
era Lei Electorau en vigor.
4. Era lei regularà es critèris especifics de proporcionalitat a fin e efècte d’evitar qu’ua soleta lista o partit pogue arténher era majoria absoluta des sètis parlamentaris (escons).
5. Es listes electoraus seràn dubèrtes e es electors poderàn votar indistintament quinsevolhe des candidats enquiath nombre maximal predeterminat pera lei.