1. Es trabalhadors e es empresaris gaudissen deth dret a crear organizacions que defenen es sòns respectius interèssi legitimi.
2. Tota persona poderà decidir liuraments se vò o non perténer a un sindicat e participar en es sues activitats.
3. Es conflictes inherents as relacions laboraus entre enterpreses e trabalhadors, se resolveràn per miei dera negociacion , e se conven, pera mediacion e er arbitratge.
4. Era lei regularà er exercici deth dret de grèva, sense cap auta limitacion qu’eth sòn exercici de forma pacifica.

1. Era cultura ei era clau de vòuta dera evolucion umana, era convivéncia e eth respècte pera diuersitat.
2. Era recèrca scientifica, culturau e artistica merite especiau emparament per part de totes es Administracions Publiques.

1. Eth dret de creacion d’associacions e entitats ei liure. Era lei ne regularà es tramits e requisits d’inscripcion en es corresponents registres publics. Es sòns estatuts an d’ arrecuélher fins democratiques e legitimes.
5
2. Tota persona a dret a amassar-se pacíficament. Aguest dret solament poderà èster limitat quan s’amiarà a tèrme en espacis publics e per motius avienti en gatge dera patz ciutadana.

1.Tota persona a dret a exprimir e difóner damb plea libertat es sues opinions mejançant era paraula o per escrit, o quinsevolhe aute mejan que sigue.
2. S’a dret a arrecéber informacion liura e veraç a trauès des mejans de comunicacion, publics e privadi. Era libertat de premsa ei garantida e ei déuer de toti es poders publics fomentar-la per miei dera premsa, ràdio, television, o quinsevolhe aute mejan de difusion.
3. Era practica d’aguesti drets non pòt èster restringida per cap tipe de censura
prealabla.
4. S’arreconeish eth dret a sauvar eth secrèt professionau sus era hònt de procedéncia d’ua informacion a totes es persones que trabalhen en quinsevolhe mejan de comunicacion, sens perjudici des responsabilitats civius o penaus en que pogue quèir en cas de difamacion.
5. Aguesti drets solament se pòden veir limitadi peth legitim emparament des menors, peth dret ar aunor, ara imatge e ara intimitat des persones.

1. Quinsevolhe ciutadan a dret a qu’era sua imatge, intimitat e aunor siguen respectadi.
2. S’a eth déuer de poder èster identificat pera Autoritat legitima se demore en espacis publics. Arrés poderà portar era cara amagada ena sua totalitat, a fin e efècte d’evitar era impunitat.

1. Arrés pòt èster privat dera sua libertat , liura circulacion e residéncia lheuat des casi prèviaments e explicita arrecuelhudi ena lei.
2. Tota persona que sigue privada o se li redusisque de forma preventiva aguest dret fonamentau, a d’ èster informada immediataments des motius, demorarà jos emparament e custòdia policèra, gaudirà d’assisténcia juridica, e aurà dret a èster condusida deuant eth jutge predeterminat pera lei en eth termini maximal de 24 ores.
3. Quinselvolhe persona a qui se li impute un hèt delictiu, gaudís deth dret a èster sometuda a jutjament laguens d’un termini rasonable.

1. Se garantís era libertat religiosa e de culte. Tota persona a dret a escuélher liuraments era sua religion e conviccions filosofiques, atau coma de portar-les ara practica de forma pacifica.
4
2. Er Estat se declare aconfessamentau e en conseqüéncia, cap religion poderà èster subvencionada damb hons publics.
3. Era practica d’usatge de vel integrau qu’amague era cara en espaci public, jos era desencusa de religion, non ei meritosa d’empara legau.

1. Era nacionalitat catalana s’aquerís d’acòrd damb çò qu’establís era lei, per neishença, matrimòni, residéncia, adopcion o Convèni de reciprocitat damb un aute Estat.
2. Toti es ciutadans de Catalonha qu’en eth termini d’un an a compdar dera promulgason d’aguesta Constitucion atau ac escuelhen liuraments, poderàn gaudir dera dobla nacionalitat, catalana e espanhòla, tostemp e quan Espanha n’arreconeishe eth sòn dret a conservar-la.
3. Es catalans contunharàn d’èster ciutadans europèus damb toti es drets e déuers de que gaudissen en eth moment de constituïr-se era republica catalana.

1. Es menors d’edat, e en especiau, es mainatges, gaudissen der emparament
especiau qu’es Tractadi internacionaus e Europèus les autregen.
2. Er Estat garantirà eth normau desvolopament dera sua personalitat integrau enquia qu’artenhen era majoria d’edat.
3.-Es drets basics ara educacion, era formacion fisica e culturau, atau coma ar espòrt, meritaran d’especiau suenh, e gaudiràn de prioritat ena assignacion presupostària dera despensa publica.

1.Era familha serà objecte d’especiau emparament, damb independéncia de s’es persones afectades an decidit víuer jos ua relacion eterosexuau, omosexuau, monoparentau o de quinsevolhe auta classa.
2.Era bigamia e era poligamia demoren proïbides per ordenament juridic, atengut qu’atempten contra era dignitat dera persona.
3. Es poders publics fomentaràn era conciliacion entre era vida familhau e era
professionau, per miei de politiques adreçades a protegir eth nivèu d’ingrèssi quan se susvelharàn hilhs menors d’edat.
4.Er Estat fomentarà eth despartiment equitatiu des prètzhèts deth larèr entre toti es sòns membres, damb independéncia de genre.